Құрметті оқырмандар! Кітапхананы пайдаланушылар! Блогымызға қош келдіңіздер! Біздің Google-дегі сілтемеміз: https://jancbsmailin.blogspot.com Мекен-жайымыз: Қ.Алтынсары көшесі 69 үй. Тел: 8(71439) 21-2-89. Электронды поштамыз: cbs_jan@mail.ru

понедельник, 28 ноября 2016 г.

                                                                          1 Желтоқсан – Тұңғыш Президент күні

«Кемеңгер ұлы тұлға»

       Қ.Жармағамбетов атындағы кітапханада Қазақстан Республикасының Тәуелсіздігінің 25 жылдығына арналған «25 жұлдызды күн» шеңберінде «Кемеңгер ұлы тұлға» атты кең көлемді кітап көрмесі ұйымдастырылды. Кітап көрмесіне Қазақ Елін – Мәңгілік Ел қатарына қосуға бағытталған Ел Президентінің мемлекетіміздің дамыту жолындағы әлем назарын аудартқан маңызды іс-шаралармен кеңінен таныстыратын кітаптар мен мерзімді басылымдар қойылды. Көрме 23 қарашадан бастап оқырман назарына ұсынылды.
В.Батырова,
кітапханашы.

пятница, 4 ноября 2016 г.

Конституция күніне орай

Ата  Заңым - тірегім


 Аудандық балалар кітапханасында  Қазақстан Республикасының Конституциясы күніне орай  «Өз құқығыңды білесің бе?» атты пікірталас өтті. Онда оқушылардың құқықтық білімдерін тереңдету, заң алдындағы жауапкершілікті арттыру, ұйымшылдық пен тәртіптің тиімді жолдарын таба білуге баулу, саяси сауаттылыққа баулы жөнінде әңгіме өрбіді. Сонымен қатар, оқушылардың өз құқықтарын қорғай білуге үйрету, ойлау, тыңдау, өз ойларын еркін жеткізе алу, мәдениетін дамыту мен шығармашылық қабілеттерін шыңдау мақсатында қызу пікірталасқа оқушылар қызығушылық танытты. Сонымен қатар осы күнге орай «Ата  Заңым - тірегім» атты  кітап көрмесі шығарылды. 
Сауле ОМАРОВА.
Балалар бөлімінің кітапханашысы.

Семинар - 2016

«Тарихы терең  -  Ұлы  ел!»


        Ұлы ұстаз, ағартушы Ы.Алтынсариннің 175 жылдығына орай Арқалық қаласының №2 облыстық ғылыми-әмбебап кітапханасының ұйымдастырумен Жангелдин ауданының орталықтандырылған кітапханалар жүйесінің базасында «Ы.Алтынсарин тағылымы: кеше және бүгін» тақырыбында семинар өткізілді.

      Семинарға облыстық мәдениет басқармасының қызметкері И.Шевко, облыстық Л.Толстой атындағы ғылыми-әмбебап кітапханасының директоры Д.Дүйсебаева қатынасты. Жангелдин ауданының  кітапханалар жүйесі үш нүктеде «Тарихы терең – Ұлы ел!» библио-аялдама аялдамасын ұйымдастырды.
Бірінші аялдама - Сужарған ауылдық округі. Бұнда Ы.Алтынсариннің Торғай жеріндегі бірінші мектебі, алғашқы оқушылары жөнінде театрландырылған көрініс көрсетілді. 
      Екінші аялдама - Сарысу. Бұл жерде көрермендер назарына жазушы Т.Ахтановтің «Боран» шығармасынан шағын спектакль ұсынылды. Спектакльде Ұлы Отан соғысы жылдарындағы ауыр тұрмыс жайында баяндалады.
      Ал, үшінші аялдама -  Жаркөл ауылдық округі. Ұлт - азаттык көтерілісінің 100 жылдығына орай А.Имановтің өмірі жөнінде «Татыр шайқасы» қойылымы көрсетілді. Барлық қойылымдарда кітапханашылармен бірге жергілікті кітапхана оқырмандары қатынасты.
                                                                                                                           Ә.БАҚТЫБАЙҰЛЫ.
                                                                                                                             




Ақын С.Тұрғынбекұлы - 70 жаста

Сазды ақын, сырлы ақын



  Н.Ахметбеков атындағы мәдениет үйінде Қазақстанның еңбек сіңірген қайраткері, ақын С.Тұрғынбекұлының 70 жасқа толуына арналған «Сазды ақын, сырлы ақын» атты кітап көрмесі ұйымдастырылды. Көрмеге ақынның әр жылдары жарық көрген шығармалары, газет қиындылары мен фото суреттері койылды.
                                                                                 В.Батырова
                                                кітапханашы.

вторник, 14 июня 2016 г.


Чернобыль жаңғырығы -  жадымызда


        Биыл әлемді дүр сілкіндірген Чернобыль апатының тарихтан орын алғанына 30 жыл толып отыр. Апаттың зияны, тартқызар азабы табиғат үшін де, адамзат баласы үшін  де оңайға түскен жоқ. Осы даталы күнге орай аудандық Қ.Жармағамбетов атындағы кітапхананың оқу залында «Чернобыль жаңғырығы - жадымызда» тақырыбында дөңгелек үстел басындағы әңгіме өткізілді. Бұл іс-шараның мақсаты – сол апатқа қатысқан жерлестеріміздің ерліктерін бүгінгі жас ұрпаққа таныстыру, насихаттау. 
        Сол кездегі әскер қатарында жүрген жауынгерлер Ануарбек Ғалымұлы, Жақсыбай Ғалымжанұлы, Еркін Төремұратұлы өз көздерімен көрген қасіретті, сол жердегі жағдайды оқырмандарға баяндап берді. Апатқа қатысушы Олег Жоламанұлы денсаулығына байланысты жұмысқа келе алмау себебіне орай өз ойын экран арқылы айтып берді.
       Жалпы сол, 1986 жылғы 26 сәуірде орын алған оқиғаны уақытында залалсыздырмағанда оның азабының да көп болатынын, бірақ, сол кездегі Одақтық бірігіп күш шығарып, бір адамдай жұмылғанының арқасында тез тоқтатылғанын қонақтар әңгімелеп берді. Шара барысында оқушылар көкейлерінде жүрген сұрақтарын қойып, нақты жауаптар алды.
       Сондай-ақ жұмысқа қатысқан аудан әкімі  Асқарбек Ахметбекұлы, «Нұр Отан» партиясы Жангелдин аудандық филиалы төрағасының  бірінші орынбасары Рауыл Қамбарұлы, Торғай селосының ардагерлер кеңесінің төрағасы Жылқыбай Мирақайұлы, ардагер Тыныштық Әбжамалұлы өз ойларын айтты.
       Жұмыс шараның соңында аудан әкімі Асқарбек Ахметбекұлы Чернобыль апатының ардагерлеріне алғыс айтып, сый-сияпат көрсетті. Жұмыс шараны ұйымдастырып, өткізген кітапханашы Венера Батырова барлық қатысушыларға ұжым атынан алғыс айтып, лебізін білдірді. Жұмысқа оқырмандар, мектеп оқушылары қатысты.
                                                                            Г.ШАЙМЕНОВА,
                                                                                                кітапханашы.
   Азаттық жырының ақтаңгері


       Қ.Жармағамбетов атындығы аудандық кітапханада «Бір ел – бір кітап» республикалық акциясы аясында жалпы ұлттық оқылымға таңдалған қазақ жырының дүлдүлі, адуанды ақын Дулат Бабатайұлының шығармашылығына арналған «Азаттық жырының ақтаңгері» атты жыр сағаты ұйымдастырылды.
       Шараның мақсаты – қазақ халқының төл әдебиетін, мәдениетін құрметтеуге баулып, ақынның лирикалық өлеңдерін, толғаулары мен дастандарын насихаттау.
       Дулат Бабатайұлының «Сандықтас», «О, Сарыарқа, Сарыарқа», «Қайғылыны уаттым», «Ата қоныс арқада», «Асқар таудың сәні жоқ», «Ақтанға», «Бір патша», «Біреуге», «Алладан сұрап иманды» өлеңдерін, «Еспембет» дастанынан үзінді А.Қабылбек, А.Манабай, С.Нариман, А.Жұмабек, А.Сапарова, Г.Көпжасар, А.Жанмұрат, А.Елубай, Д.Әбеу нақышына келтіріп оқып берді.
       Сонымен қатар, «Ақындықтың дара тұлғасы» тақырыбында слайд пен видеороликтер көрсетілді.
                                                                                 В.БАТЫРОВА,
кітапханашы.

четверг, 7 апреля 2016 г.

«Бір ел - бір кітап» акциясы

«Ақындықтың дара тұлғасы»
  
       Кейінгі кездері көптеген елдерде, жалпы әлем бойынша кітап оқылудың азайғанын айтып дабыл қағуда.Ұлттық академиялық кітапханасы оқу ісін ілгерілету  және оқу мәдениеті мен сауаттылықты қалыптастыру, сонымен қатар рухани мұрамызды сақтау мақсатында «Бір ел - бір кітап» акциясы жарияланған болатын. 
      Бұл акция – кітап оқитын қауым мен оқырмандардың көбеюіне мол мүмкіндік беретіні сөзсіз. Акцияның жыл кітабы болып биыл ХIХ ғасырдағы қазақ әдебиеті тарихындағы көрнекті тұлғалардың бірі, «Зар заман әдебиеті» өкілдерінің көш басында тұрған кемел ақын Дулат Бабатайұлының шығармалары таңдалды. 
      Осыған орай Қ.Жармағамбетов атындағы аудандық кітапханада «Ақындықтың дара тұлғасы» атты кітап көрмесі шығарылды. Көрмеге ақынның өмір жолы жайлы кітаптар, мерзімдік басылымдардан материалдар қойылды.                            
                                                                                           В.БАТЫРОВА, 
                                                                                            кітапханашы.

пятница, 19 февраля 2016 г.

1 - наурыз Алғыс айту күні мерекесі

Алғыс күні кітапханада


Суретте: "Салт-дәстүр - асыл қазынам" атты дөңгелек үстелден көрініс.
     
        Елбасымыздың Жарлығымен көктем айының бірінші күні – Алғыс айту күні болып белгіленгенін баршамыз жақсы білеміз. Жалпы Алғыс алу біздің халқымыз үшін өте қымбат қазына. Осы айтулы күнге орай Қ.Дармағанбетов атындағы аудандық кітапхананың ұйымдастыруымен «Салт-дәстүр – асыл қазынам» атты дөңгелек үстел басында әңгіме өткізілді. Әңгіме аясында «Салтым – асыл қазынам» тақырыбында слайд пен видеоролик көрсетілді.  Жұмысты жүргізген кітапханашылар В.Батырова, А.Ділмағанбетовалар көрмемен және шақырылған қонақтармен таныстыра келе жұмыстың мазмұнына тоқталды.
       Негізі салтымызды, дәстүрімізді, ырымдарымызды жас ұрпақтың ұмытпай жалғастыруы өте қажет. Жұмысқа қатысқан Ш.Уалиханов орта мектебінің 
8 сынып оқушыларын бастап келген ұстаз Амангелдина Әминаға және мектеп ұжымына айтар алғысымыз зор. Әңгіме барысында зейнеткер Есен Қабылов өзі жасап, өзі қолданған ашамай жайында жан-жақты айтып берді. Тағы бір зейнеткер анамыз Тұрсынкүл Шоқатқызы қазақ қызының өз жұртынан ұзатылып бара жатқанда айтатын сыңсуды өзі орындап, мағынасын айтып берді.
      Кітапхана саласында көп жыл еңбек етіп жүрген Қарлығаш Бірмағанбетова кітапханашы Г.Әбеудің баласы Дарханның тұсаукесер рәсімін көрсетті. Тұсаукесерге пайдаланатын заттар, олардың мәні жөнінде айтып берді. 
      Сондай-ақ, аудандық ардагерлер кеңесінің төрағасы Қ.Бірмағанбетов, «Нұр Отан» партиясының аудандық филиалы төрағасының бірінші орынбасары Р.Ахметжанов және зейнеткер ұстаз Г.Иманғалиевалар әсерлі де тартымды әңгімелер айтты. Жалпы іс-шара өте мазмұнды болып өтті. Кітапхана басшысы Р.Қабдуалиева қатынасушыларға зор алғысын білдіре отыра, сый-сияпат жасады.
Г.ШАЙМЕНОВА,
кітапханашы.
    

понедельник, 1 февраля 2016 г.

Тәуелсіздік  -  таң нұры

       Тәуелсіздігімізді жариялағаннан бергі мезгіл ішінде көптеген елеулі табыстарға қол жеткіздік. Бұл Президентіміздің жүргізіп отырған парасатты көреген саясатының нәтижесі – Еліміздің тыныштығы мен қауіпсіздігінің, көп ұлтты Қазақстан халқының жарастығы мен ынтымақтастығының арқасында болып отыр. Тәуелсіздігіміздің  25  жылдағы қазақстандықтар үшін айрықша оқиға.
      Аудандық Қ.Жармағамбетов атындағы кітапханада Қазақстан Тәуелсіздігінің 25 жылдығына орай «Тәуелсіздік елімнің ерлік жолы» атты интеллектуальдық әңгіме жас ұстаздар арасында өткізілді. Тәуелсіз еліміздің,туған топырағымыздың тамыры терең бай тарихымен тереңірек танысты. 
      Сонымен қатар «Тәуелсіздік - таң нұры»  атты кітап көрмесі жасақталды. Кітап көрмесіне Елбасы Н.Ә.Назарбаевтың «Тәуелсіздік белестері»,  «Тәуелсіздік шежіресі», Ш.Елеукеновтың «Тәуелсіздік биігінен», М.Қозыбаевтың «Киелі Тәуелсіздік», М.Жолдасбековтың «Тәуелсіздік тағылымы», Ә.Нысанбаевтың «Тәуелсіздік. Демократия. Гуманизм» кітаптары койылды. Көрмеге Тәуелсіз Қазақстанның бел-белестері, бүгінгі жетістіктері және жарқын болашағы туралы деректер мен құнды кітаптар қойылды. Біз кітапхананың иелігіндегі қордан тақырыпқа байланысты кітаптарды, материалдарды келушілердің назарына ұсынуға тырыстық. Олар - еліміздің мемлекет болып нығаюы кезеңімен, еліміздің тарихымен, Қазақстан халықтарының мәдениетімен тығыз байланысты кітаптар. Көрменің негізгі идеясы - қазақ мемлекетінің сан ғасыр бойы қалыптасу тарихындағы уақыт пен ұрпақтар сабақтастығын көрсету.
                                                                                       Ә.Ағытаев,
аудандық кітапхана.